Қазақстанның солтүстігінде, Біздің ғаламшарымыздың Ең әдемі жерлерінің бірінде, Ақмола облысының аумағында Қазақстан Республикасы Үкіметінің 2000 жылғы 12 тамыздағы қаулысына сәйкес ұйымдастырылған «Бурабай» мемлекеттік ұлттық табиғи паркі орналасқан.

Бурабай жер бетінде сирек кездесетін, бірегей табиғаты бар географиялық пункт ретінде кеңінен танымал. Бурабай шатқалының беті қазақтың ұсақ шоқыларының құрамына кіретін аласа тау жотасынан тұрады.

«Бурабай» ұлттық паркінің негізгі міндеттері:

- экожүйелердің, эталонды және бірегей табиғи кешендер мен объектілердің, тарих, мәдениет ескерткіштерінің және басқа да тарихи мұра объектілерінің тұтастығын сақтау, сондай-ақ оларды зерделеу;

- бұзылған табиғи және тарихи-мәдени кешендер мен объектілерді қалпына келтіру.