Каз     Рус    

Өрт, браконьерлік және табиғат қорғау заңнамасының басқа да бұзушылықтары анықталған жағдайда
8(71636) 7-36-65
нөміріне қоңырау шалыңыз

«Бурабай» ұлттық паркінде тұқымдыққа қарағай бүрін жинау маусымы басталды

17.11.2022

Келешекте орман аумағын кеңейте түсу үшін «Бурабай» мемлекеттік ұлттық паркінің қызметкерлері қарағай бүрін жинауға кірісті. Қыс мезгілінде орманшылар оны кептіріп, сосын тұқымын алып, көктемде тәлімбаққа егеді де,  көшеттерін өсіреді.

«Ұлттық парк – емге дәру ауасымен әйгілі қарағайлы орман. Алқаптың фитонцидтері әртүрлі өкпе ауруларына таптырмайтын шипа. Бірақ орманды күтіп-баптаудың қаншалықты бейнеті мол шаруа екенін көпшілік біле бермейді. Ағаштарға түрлі зақым келеді, өрттен зардап шегеді, бара-бара кәрі ағашқа айналады... Орманның табиғи қалпын сақтау үшін ұлттық парк қызметкерлері көктем сайын тәлімбақта екі жыл өсірілген көшеттерді орманға отырғызады» - дейді директордың орынбасары, бас орманшы Бауыржан Махметов.

Қарағай бүрін жинау және өңдеу машақаты көп жұмыс. Ұлттық парк қызметкерлері оны қараша мен наурыз аралығында тереді. Сапасы қаншалықты бітік шығуына байланысты әр жылы әрқалай болады.

Теріп алғаннан кейінгі өңдеудің толық циклі оларды сұрыптау, тұқымын алу, тазарту, белгілі бір деңгейге дейін кептіру (12-15% ылғал) сынды кезеңдерден тұрады. Содан соң ғана дайын тұқымдар тәлімбаққа егіліп, көшет өсіріледі. Кейінірек өскіндер орман учаскелеріне отырғызылады.

Осылайша, тынымсыз еңбектің арқасында кішкентай бүрден жайқалған қарағайлы орман пайда болады. Алайда, кейбір тұрғындар жаңа жыл қарсаңында шыршаларды кесіп, табиғат сұлулығына нұқсан келтіріп жатыр.

«Біз маңдай терімізбен өсірген қарағайларды отауға жол бермейміз! «Бурабай» ұлттық саябағының бүкіл аумағы тәулік бойы тепловизормен жабдықталған цифрлы SMART жүйесінің бақылауында екенін браконьерлердің есіне салғым келеді. Әкімшілік құқық бұзушылық туралы кодекске сәйкес, ерекше қорғалатын табиғи аумақтарда өсетін ағаштар мен бұталарды заңсыз кескені немесе бүлдіргені үшін жекелеген адамдарға – 30 АЕК мөлшерінде, шағын кәсіпкерлік субъектілерінің заңды тұлғаларына – 70 АЕК мөлшерінде айыппұл салынады. Оған қоса заңсыз кесілген ағаштары, көлік құралдары мен браконьерлік құралдары түгел тәркіленеді», - деп ескертті «Бурабай» МҰТП бас орманшысы Бауыржан Махметов.

Құрылған күні: 17.11.2022 12:25
Жаңартылған күні: 17.11.2022 12:25
Қаралым саны: 36
Об утверждении Правил осуществления туристской и рекреационной деятельности в государственных национальных природных парках"
Лесной кодекс Республики Казахстан
Закон об особо охраняемых природных территориях
Министерство образования и науки Республики Казахстан
КЛХЖМ МЭГПР РК
Министерство по чрезвычайным ситуациям Республики Казахстан
Управление Делами Президента РК